15:04 / 31.08.2022
Kurti priti në takim shefin e misionit të Luksemburgut në Kosovë
V.Thaçi/RTKLive
Kryeministri i Republikës së Kosovës, Albin Kurti, priti në takim shefin e misionit të Luksemburgut në Kosovë, Eric Dietz.
Sipas komunikatës për media nga zyra e kryeministrisë, në takim u bisedua për përkushtimin e Qeverisë së Republikës së Kosovës për arsimin dhe aftësimin profesional, në shërbim të rritjes së punësimit për qytetarët e Republikës së Kosovës. U theksua rritja ekonomike prej 4,9% në tremujorin e parë të këtij viti, si tregues shtesë, që demokracia cilësore shkon bashkë me zhvillimin ekonomik.
Gjatë takimit u fol edhe për reformat në drejtësi, procesin e vettingut, si dhe luftimin e krimit e korrupsionit.























