Sindikata QKMF: Mos luani me dinjitetin e punëtorëve, duam pagat tona
Valjeta Shala/ RTK
Sindikata e Qendrës Kryesore të Mjekësisë Familjare (QKMF) në Prishtinë, ka mbajtur një protestë të shkurtë në oborrin e kësaj qendre në shenjë pakënaqësie për mos marrjen e pagave.
Sherif Makolli, kryetar i shoqatës se sindikale te QKMF, Prishtine tha se po luhet me dinjitetin e punëtorëve shëndetësorë të cilët dikur i quanin heronj.
"Ne sot po protestojmë si shenje pakënaqësi për mos ekzekutimin e pagave. Në këtë protestë 15 minutesh e kemi organizuar në kohën e pauzës. Shërbimet nuk janë ndalur. Ne nuk kemi qenë në grevë dhe sot është data dy e nuk kemi ende paga. Po luhet me dinjitetin tonë ku dikur na quanin dhe heronj. Kjo situate është e papranueshme pasi shumica janë edhe në kredia dhe gjendja ekonomike e shumë neve nuk është e mirë", tha Makolli.























