16:46 / 07.09.2022
Konjufca priti Grupin e Miqësisë Lituani-Ballkani Perëndimor
Muharrem Miftari/RTKlive
Kryetari i Kuvendit te Kosovës, Glauk Konjufca, priti në takim Grupin e Miqësisë Lituani- Ballkani Perëndimor të Parlamentit të Republikës së Lituanisë.
Në këtë takim u diskutua për rëndësinë në mbështetjen që do ta ketë Kosova nga Lituania për anëtarësim në KE dhe integrimet euroatlantike.
Para gazetarëve kryesuesja e Grupit të deputetëve lituanezë, Laima Andrikienė, tha se Lituania mbështetë fuqishëm Kosovën në rrugën e saj drejt integrimeve euroatlantike, si dhe në forcimin e konsolidimin të shtetësisë.
























