23:06 / 27.09.2022
Presidentja Osmani: Krenar me djelmoshat e Kosovës
N. Mekolli /RTKlive
Presidentja e Kosovës, Vjosa Osmani ka komentuar ndeshjen në mes Kombëtares së Kosovës dhe Qipros, e cila përfundoi me rezultat të thellë 5-1.
Ajo, në një postim në Facebook, ka shkruar se kjo ishte një fitore e shumëpritur.
“Një fitore e shumëpritur. Krenar me djelmoshat e Kosovës, të cilët sonte dëshmuan shpirtin luftarak në fushë duke demonstruar një lojë fantastike dhe duke shënuar një fitore të çmuar në Ligën e Kombeve.
Ju lumtë djema dhe suksese në ndeshjet e radhës!”, ka shkruar presidentja Osmani.
Kosova mundi Qipron dhe siguroi vendin e dytë në Ligën C grupi 2, derisa në vendin e parë është Greqia, kurse, Qipro është e treta me pesë pikë aq sa ka edhe Irlanda e Veriut në vendin e fundit.
























