‘TOK’, shfaqje teatrale për të rritur ndjeshmërinë ndaj natyrës
BKT
Kulturë

‘TOK’, shfaqje teatrale për të rritur ndjeshmërinë ndaj natyrës

ATSH

Në Arturbina është shfaqur mbrëmë pjesa teatrale ‘TOK’, me regji të Altin Bashës dhe e shkruar nga Ledian Gjeci e Benada Mulla.

Shfaqja është event që zhvillohet në kuadër të “Tetorit Gjerman” e që ka mbështetjen e ambasadës gjermane, GIZ Albania e Ministrisë së Kulturës. Ajo ka për tematikë mbrojtjen e mjedisit dhe se si duhet të jemi më të ndjeshëm ndaj natyrës.

Qëllimi është të ndërgjegjësohemi nëpërmjet artit të teatrit duke i bërë njerëzit të reflektojnë për mënyrën se si kontribuojmë në ruajtjen e planeti dhe ekuilibrave të tij. Pjesa është e ndërtuar mbi dialogje që interpretohen nga aktorë të rinj të talentuar, si Arba Shtëmbari, Ervis Saliasi,  Egzona Ademi, Denis Kurushi, Françeska Hysi dhe Ermir Hoxhaj.

Pas shfaqjes teatrale u organizua edhe një panel diskutimi dhe reflektimi me temën “Fit 4 Green”,  me pjesëmarrje dhe kontribute nga partnerë institucionalë si MeFE, Parlamenti Shqiptar, shoqëria civile, grupe rinore.

Shfaqja ‘TOK’ do të vihet në skenë edhe ditën e sotme.

Aktiviteti zhvillohet në kuadër të një serie ndërhyrjesh në nivele të ndryshme që GIZ Albania ka ndërmarrë për rritjen, ndërgjegjësim dhe ndryshimin e sjelljes për qasjen dhe qëndrimet “Green”.


MË SHUME NGA Kulturë