Nëna e viktimës: Marigona nuk ka qenë asnjëherë e lirë të flasë me mua
Driton Ramadani /RTK
(Eplotësuar ora 14:44) Pas përfundimit të dëshmisë së nënës së Marigona Osmanit, Valdete Osmani dëshminë para trupit Gjykues po e jep babi i Marigonës, Muhabi Osmani.
Në dëshminë e saj Valdete Osmani tha se që nga lidhja e vajzës së saj Marigonës me Dardan Krivaqen, vajza e saj asnjëherë nuk ka qenë e lirë që të flas me te. Çdoherë ka qenë nën përcjelljen e ti dhe asnjëherë nuk e ka shprehur shqetësimin e saj edhe pse ne kemi pasur dyshimet se me të nuk është në rregull.
Krivaqa dhe Sejdiu deklarohen të pafajshëm për vrasjen e Marigona Osmanit
Po vazhdon gjykimi ndaj të pandehurve Dardan Krivaqa dhe Arbër Sejdiu të cilët akuzohen nga ana e Prokurorisë Themelore në Ferizaj, lidhur me vrasjen dhe dhunimin e Marigona Osmanit.
Të akuzuarit në fjalën e tyre nuk kanë pranuar akuzën e cila ju ngarkohet. I akuzuari, Dardan Krivaqa ka shprehur ngushëllime lidhur me rastin e ndodhur dhe se nuk pajtohet me akuzën që i vihet nga ana e Prokurorit të Shtetit.
Po ashtu fajësinë nuk e ka pranuar as i akuzuari i dytë Arbër Sejdiu. Në këto momente dëshminë e saj para trupit Gjykues po e paraqet nëna e Marigonës, Valdete Osmani.
























