13:50 / 01.11.2022
“Gratë”, shfaqja që vjen së shpejti si premierë në TKK
Sh.Gashi / RTKlive
“Gratë”, është shfaqja më e re që do ta ketë premierën në dhjetor në amfiteatrin e Teatrit Kombëtar të Kosovës në Prishtinë.
Regjisorja polako-britaneze, Nastazja Domaradzka, mbajti takime/audicione me aktorët e Trupës Rezidente të TKK-së për këtë projekt, i cili është duke u shkruar nën përkujdesjen e Doruntina Bashës nga dramaturget e reja Agnesa Mehanolli, Brikena Sopi dhe Ulpianë Maloku.
Kjo është një shfaqje e punuar totalisht nga gratë dhe e bazuar në ngjarje të vërteta të grave lidere të Kosovës.























