14:42 / 03.11.2022
Haradinaj - Kurtit: Pranoni kërkesën e Amerikës për targat
Arlinda Sejda / RTK
Kryetari i Aleancës për Ardhmërinë e Kosovës (AAK), Ramush Haradinaj i ka kërkuar kryeministrit Albin Kurti që me urgjencë ta pranon kërkesen e amerikës për targat.
Përmes një konference për media, Haradinaj ka thënë se i kërkon Kurtit që deri në marrëveshjen finale të mos ndërmerr asnjë veprim pa koordinim me Shtetet e Bashkuara të Amerikës.
“Pa koordinim me SHBA , Kurti të mos marrë asnjë veprim , të vejë kontakt me Biden dhe për të saktësuar veprimet deri në marrëveshjen finale për njohjen reciproke”, tha Haradinaj.
Ky reagim i Haradinajt erdhi pas shqetësimit për situatën në veri të vendit dhe në brezin kufitar.























