00:28 / 09.11.2022
Borell: Pas situatës në veri, përforcohet EULEX-i
M.Shefkiu/RTKlive
Përfaqësuesi i Lartë i BE-së për Politikë të Jashtme dhe Siguri, Josep Borrell ka njoftuar se një njësi e karabinierëve italianë ka zbarkuar në Kosovë për të përforcuar Misionin e Sundimit të Ligjit, EULEX.
Borrell ka thënë se në këto kohë të tensionuara në Kosovë, Misioni i BE-së për Sundimin e Ligjit, EULEX përmbush detyrën e tij për të siguruar stabilitet.
Ai përmes një postimi në Twitter njoftoi se ka zbarkuar në Kosovë një njësi e karabinierëve për të përforcuar këtë misioni duke shtuar se EULEX-i do të vazhdojë të mbështesë një mjedis të qetë dhe të sigurt.























