Kurti fton diasporën të hulumtojë mundësitë për investime në Kosovë
BKT
Lajme

Kurti fton diasporën të hulumtojë mundësitë për investime në Kosovë

N.Mekolli /RTKlive

Kryeministri i Kosovës, Albin Kurti, gjatë qëndrimit të tij në Vjenë të Austrisë, ku mori pjesë në Forumin Ekonomik të Vjenës, në mbrëmje u takua dhe u shoqërua me pjesëtarë të mërgatës sonë atje.

Bëhet e ditur se ai i njoftoi me zhvillimet e fundit në vend, reformat e ndërmarra dhe me punën e deritanishme të Qeverisë, teksa diskutuan për zhvillimin e vendit, përfshirjen dhe rolin aktiv të mërgatës në atë drejtim.

“Kryeministri i falënderoi të pranishmit për mikpritjen e ngrohtë dhe të gjithë diasporën për angazhimin e palodhshëm dhe kontributin e vazhdueshëm. Ai u shpreh se diaspora është pjesë përbërëse e së kaluarës, tashmes dhe të ardhmes së vendit, dhe i ftoi që së bashku me partnerët e tyre të biznesit të hulumtojnë mundësitë e investimeve në Kosovë”, njofton zyra për informim e Kryeministrit.

Në njoftim ritheksohet se javën që lamë pas u lansua Programi për Diplomaci Qytetare nëpërmjet të cilit 10 profesionistë të rinj të përzgjedhur nga diaspora, për 6 muaj do të angazhohen në projekte të ndryshme të MPJD-së, me qëllim rritjen e përfshirjes së diasporës në diplomaci publike.


MË SHUME NGA Lajme