Osmani premton mbështetje për komunitetet e margjinalizuara
BKT
Foto: Presidenca e Kosovës
Lajme

Osmani premton mbështetje për komunitetet e margjinalizuara

Valmira Saraçi Sahatçiu/RTKlive

Presidentja e Kosovës, Vjosa Osmani ka pritur në takim një grup të grave nga komunitetet rom, ashkali dhe egjiptian, të shoqëruara nga përfaqësuese të qendrës “Concordia” në Prizren.

Presidentja Osmani u informua rreth punës dhe projekteve të kësaj qendre, e cila është e fokusuar në përkrahje të fëmijëve dhe grave nga komunitetet e margjinalizuara në Kosovë. Qendra punon kryesisht me pjesëtarë të komuniteteve rom, ashkali dhe egjiptian.

Sipas një njoftimi, presidentja u informua edhe me fushëveprimin e organizatës në përkrahje të fëmijëve dhe grave të këtyre komuniteteve përmes shërbimeve të ndryshme psiko-sociale dhe edukative.

“Presidentja Osmani ka ritheksuar përkushtimin e saj të palëkundur dhe të Presidencës së Republikës në mbështetje të komuniteteve të margjinalizuara, me theks të veçantë fëmijët dhe gratë, duke përmendur rëndësinë e një shoqërie me mundësi të barabarta për të gjithë”, thuhet në njoftimin e lëshuar nga zyra e presidentes Osmani.


MË SHUME NGA Lajme