Artistët kosovarë në “fokus” të Festivalit të Filmit në Lubjanë
Foto: QKK
Kulturë

Artistët kosovarë në “fokus” të Festivalit të Filmit në Lubjanë

Shqipe Gashi/RTKlive

Kosova po merr vëmendje të veçantë në edicionin e sivjetmë të Festivalit Ndërkombëtar të Filmit në Lubjanë, i cili ka filluar më 9 nëntor 2022 dhe do të përmbyllet më datën 20 nëntor, njofton Qendra Kinematografike e Kosovës.

Përveç shfaqjes së filmave, Festivali i Lubjanës organizoi edhe një numër diskutimesh pas shfaqjeve, duke përfshirë edhe diskutimin Kinemaja Bashkëkohore e Kosovës, ku morën pjesë regjisorja Kaltrina Krasniqi dhe drejtuesi i Qendrës Kinematografike të Kosovës, Lum Çitaku, njofton kjo qendër.

“Në kuadër të “Kosova në fokus” u shfaqën filmat kosovarë të metrazhit të gjatë “Vera andrron detin” nga Kaltrina Krasniqi, premierë sllovene, “Zgjoi” nga Blerta Basholli, “Martesa” nga Blerta Zeqiri, “Në kërkim të Venerës” nga Norika Sefa, propozimi i Kosovës për OSCARS 2023, dhe “Luaneshat e kodrës” nga Luana Bajrami, të mbështetur nga QKK”, thuhet në njoftimin e QKK-së.

Nga filmat e metrazhit të shkurtër të mbështetur nga QKK u shfaqën: “Pa vend” dhe “Në mes”, nga Samir Karahoda dhe “Gardhi”, nga Lendita Zeqiraj”. "Kosova në fokus" shfaqi edhe prodhime të pavarura të autorëve nga Kosova si: “Zgjedhe një emër”, nga Dritëro Mehmetaj; “Një muaj”, nga Zgjim Terziqi dhe "These sounds taste synthetic”, nga Gretel Dani.

 


MË SHUME NGA Kulturë