Teatri Alternativ do t’i hap dyert me shfaqjen “Nuk raportova”
Kulturë

Teatri Alternativ do t’i hap dyert me shfaqjen “Nuk raportova”

RTKlive

Teatri Alternativ i cili po fillon në Qendrën “Defy them” do t’i hapet më 24 nëntor me shfaqjen “Nuk raportova” që bazohet në histori të vërteta, të cilat gratë dhe vajzat i kanë ndarë në rrjete sociale. Qëllimi i shfaqjes është adresimi i problemit të dhunës ndaj grave dhe vajzave. Interpretimi zhvillohet në katër gjuhe: shqip, serbisht, anglisht dhe turqisht.

“Ne duhet të flasim në emër të të gjitha grave të vrara, në emër të të gjitha vajzave dhe grave të dhunuara, në emër të të gjithë atyre që NUK KANË RAPORTUAR. Motra, ngrihuni, të bërtasim së bashku, klithma jonë nga shpirti duhet të dëgjohet nga i gjithë Ballkani.”

Shfaqja është realizuar në Prizren, Tiranë, Beograd, Zajeçar dhe Pula (Kroaci)”, thuhet në njoftim.

Shfaqja vjen më datë 24 nëntor 2022, në ora 20:00, tek Qendra e Kulturës Alternative ‘Defy Them”, Bregu i Diellit. Projekti është i mbështetur nga Reconstruction Women’s.


MË SHUME NGA Kulturë