16:55 / 24.11.2022
PSD proteston me qershi ndaj marrëveshjes Kosovë-Serbi për targat
A.Maholli/RTK
Kryetari i Partisë Socialdemokrate, Dardan Molliqaj, hodhi qershi para dyerve të ndërtesës së Qeverisë.
Kjo në shenjë proteste ndaj marrëveshjes për targa të arritur të mërkurën në mbrëmje në Bruksel, mes Kosovës e Serbisë për çështjen e targave.
Pas këtij aksioni simbolik, Molliqaj deklaroi se kryeministri Albin Kurti po mashtron popullin nëpërmjet takimeve me qytetarë.
“Mbrëmë u pa vartësi i tij duke bërë koncesione ndaj Serbisë e duke e pranuar edhe Asociacionin si dhe planin franko-gjerman, e që nuk e parasheh njohjen’, deklaroi Molliqaj.
“Prandaj ia japim qershitë sepse i ka shumë merak”.























