18:20 / 24.11.2022
110-vjetori i Pavarësisë, Xhaçka vizitë zyrtare në Kosovë
ATSH
Ministrja për Evropën dhe Punët e Jashtme, Olta Xhaçka do të zhvillojë nesër një vizitë zyrtare disaorëshe në Kosovë, me ftesë të zëvendëskryeministres dhe ministres për Punët e Jashtme dhe Diasporën, Donika Gërvalla-Schwarz.
Pas takimit dypalësh, rreth orës 10:30 të dy ministret do të kenë një deklaratë për shtyp.
Kryediplomatja shqiptare do të takohet gjithashtu me presidenten e Republikës së Kosovës, Vjosa Osmani dhe kryeparlamentarin Glauk Konjufca.
Kjo vizitë zyrtare vjen në një moment të veçantë festues, përkujtimor dhe kuptimplotë, sepse përkon me 110-vjetorin e Pavarësisë së Shqipërisë.























