21:58 / 15.12.2022
Aplikimi i Kosovës për anëtarësim në BE, Xhaçka: Shqipëria do ta mbështesë
V.Thaçi /RTKlive
Ministrja e Jashtme, Olta Xhaçka, ka uruar Kosovën për aplikimin për t’u bërë pjesë e Bashkimit Evropian.
Në një postim në Twitter, Xhaçka shkruan se Shqipëria do të mbështesë dhe do të ndihmojë Kosovën në çdo hap të këtij procesi.
Ajo ka theksuar se vendi i Kosovës është në BE, ashtu siç është edhe e ardhmja e Ballkanit Perëndimor.
“Urime Kosovës për aplikimin e saj për anëtarësim në BE. Shqipëria do të mbështesë dhe ndihmojë Kosovën në çdo hap të këtij procesi. Vendi i Kosovës është në BE ashtu siç e ardhmja e Ballkanit Perëndimor është në BE”, ka shkruar Xhaçka.
Ndryshe Kryeministri i Kosovës, Albin Kurti dorëzoi sot e enjte aplikimin e Kosovës për anëtarësimin në BE në Pragë.
























