22:30 / 15.12.2022
U mbajt premiera e operës “La Traviata”
RTKlive
Opera e Kosovës ka mbajtur sonte në sallën e sportit `1 Tetori` në Prishtinë premierën e operës `La Traviata” të mjeshtrit Giuseppe Verdi`.
Në rolet kryesore u prezantuan sopranoja Besa Llugiqi (Violeta Valery), tenori Emanuele D'Aguanno (Alfredo Germont) dhe baritoni Gëzim Myshketa (Giorgio Germont). Në këtë shfaqje mori pjesë trupa me rreth 150 artistë e staf mbështetës.
Produksioni i parë i “La Traviata” nga Opera e Kosovës u realizua në bashkëpunim me Operën Shtetërore të Stara Zagorës (Bullgari), Teatrit të Operës dhe Baletit në Tiranë (Shqipëri) dhe Filharmonisë së Kosovës .























