16:32 / 04.01.2023
Veriu i qetë, qarkullimi i lirë|Video
Arlinda Sejda/RTKlive
Në pjesën veriore të Kosovës, pas heqjes së barrikadave që ishin vendosur për rreth tre javë nga serbët lokalë, të dirigjuar nga Beogradi, tashmë lëvizja është e lirë.
Në pikën kufitare në Bërnjak, në 24 orët e fundit, janë regjistruar 300 vetura që kanë kaluar kufirin në dy anët e tij.
Ndërkohë, përgjatë rrugës që çon në kufi mes Kosovës e Serbisë, shihen Policia e Kosovës dhe trupat e KFOR-it.
Polica e Kosovës po vazhdon të jetë e stacionuar në “Lagjen e Boshnjakëve” në komunën e Mitrovicës së Veriut.
Gjithashtu, policia është e vendosur edhe afër urës së lumit Ibër e bashkë me ta edhe forca të shtuara të Karabinierëve italian.
Në përgjithësi, situata në veri të vendit është e qetë dhe tani më pak e tensionuar.























