Haradinaj përkujton vëllezërit Gërvalla dhe Kadri Zekën
Kulturë

Haradinaj përkujton vëllezërit Gërvalla dhe Kadri Zekën

Sh.Gashi / RTKlive

Ramush Haradinaj  Kryetari i Aleancës për Ardhmërinë e Kosovës, ka kujtuar heronjtë e Kosovës, Jusuf e Bardhosh Gërvalla dhe Kadri Zeka, që ranë po më 17 janar, 41 vjet më parë.

Përmes një postimi në rrjetin social Facebook, Haradinaj ka thënë se Jusuf e Bardhosh Gërvalla dhe Kadri Zeka ishin ideatorë të lëvizjes kombëtare për liri. 

"Sot përkujtojmë dy ngjarje në dy periudha të ndryshme, me personazhe që kanë pasur një qëllim, mbrojtjen e Shqipërisë. Zemra e themeltarit të Shqipërisë, Gjergj Kastrioti Skënderbeu, pushoi së rrahuri më 17 janar 1468", deklaroi Haradinaj.

"Gjenerali që është frymëzim për secilin shqiptar e trashëgimia e së cilit frymëzoi përpjekjet tona për liri përgjatë shekujve:".

Kreu i AAK-së u shpreh se gjithashtu, sot përkujtohën edhe heronjtë e Kosovës, Jusuf e Bardhosh Gërvalla dhe Kadri Zeka, që ranë po më 17 janar, 41 vjet më parë.

"Ideatorë të lëvizjes kombëtare për liri e pavarësi që bashkuan dhe prinë shqiptarët drejt çlirimit, deri në frymën e tyre të fundit. Ata ranë, por lanë trashëgim te mijëra të tjerë, planet e lirisë. Ata ishin arkitektët e saj. ", ka shkruar Haradinaj. 

Ai tha se kjo datë lidhë tre viganët e Kosovës, Jusuf e Bardhosh Gërvallen dhe Kadri Zekën, me Gjergj Kastriotin, në të njëjtën nyje - flijimin për atdhe.


MË SHUME NGA Kulturë