Teatri Kombëtar i Kosovës pjesë e Asociacionit të Teatrove Publike
BKT
Kulturë

Teatri Kombëtar i Kosovës pjesë e Asociacionit të Teatrove Publike

Sh.Gashi / RTKlive

Në Pirshtinë është mbajtur takimi i Asociacionit të Teatrove Publike të Qyteteve të Kosovës.

Asociacioni i Teatrove Publike të Qyteteve ka votuar unanimisht përfshirjen e institucionit më të lartë teatror në vend – Teatrit Kombëtar të Kosovës në këtë mekanizëm dhe nga sot ta ndryshoj emërtimin e tij në Asociacioni i Teatrove Publike të Kosovës.

Në këtë takim janë diskutuar tema të ndryshme si: forcimi i pozicionit të teatrove publike në vend, Projektligjin për Art dhe Kulturë (në diskutim publik), pozicionimin e krijuesve dhe performuesve të teatrit, forcimin e mekanizmit të Trupave Rezidente dhe të tjera.

Gjatë takimit, përfaqësuesit e teatrove publike të: Teatrit Kombëtar të Kosovës, Teatri “Hadi Shehu” – Gjakovë, Teatri i Qytetit – Gjilan, Teatri “Bekim Fehmiu” – Prizren, Teatri “Dodona” – Prishtinë, Teatri “Istref Begolli” – Pejë, Teatri “Adriana” – Ferizaj, Teatri “Muharrem Qena” – Mitrovicë dhe Teatri “Avdush Hasani”- Podujevë janë dakorduar për formalizimin e Asociacionit të Teatrove Publike të Kosovës. 


MË SHUME NGA Kulturë