14:17 / 08.03.2023
Deputetet kërkojnë më shumë barazi dhe punësim për gratë
Elmina Osmani / RTK
Gratë deputete nga të gjitha grupet parlamentare duke u uruar të gjitha grave 8 Marsin, kërkuan barazi për gratë.
Ato po e konsiderojnë punësimin e grave si kusht e parakusht për barazi.
Gratë deputete thanë se do të kenë takime direkte me gratë dhe organizatat që e kanë synim punësimin e grave.
Ato tutje thanë se në tregun e punës gratë që kanë të njëjtën pozitë paguhen më pak se sa burrat. Deputetet e të gjitha partive parlamentare kërkuan të ndryshohen kurrikulat, në mënyrë që ato të jenë të përfaqësuara njësoj si burrat.
Gjatë kësaj konference u tha se gratë janë të diskriminuara në gjithë vendin e madje edhe brenda Kuvendit të Kosovës.























