Malisheva mposht Prishtinën
BKT
Sport

Malisheva mposht Prishtinën

Uran Krasniqi/RTKLive

Malishevës nuk i ka shkuar huq udhëtimi në Prishtinë. Klubi i drejtuar nga Bylbyl Sokoli do të kthehet me tri pikë në Malishevë.

Kjo pasi si mysafir ka mposhtur Prishtinën. Rezultati përfundimtar i ndeshjes së xhiros së njëzet e pestë ka qenë 1-2 për malishevasit. 
Një gol i shënuar në minutën e tetë nga Sobowale i ka dhënë epërsinë Malishevës.
Me këtë rezultat edhe është mbyllur pjesa e parë. 
Në pjesën e dytë Malisheva e ka ngritur epërsinë në 2-0, me golin e Hazrollajt (80'). 
Krejt çfarë ka bërë Prishtina, ka qenë ngushtimi i rezultatit me anë të Shefitit (84'). 
Pas kësaj fitore, Malisheva gjendet në pozitën e shtatë në tabelë me njëzet e tetë pikë, kurse Prishtina në vendin e katërt me tridhjetë e dy pikë.