Bislimi e Nissinen flasin për zgjerimin e bashkëpunimit
BKT
Lajme

Bislimi e Nissinen flasin për zgjerimin e bashkëpunimit

F. Sertolli / RTKlive

Zëvendëskryeministri i Republikës së Kosovës, Besnik Bislimi, priti në takim Ambasadorin e Finlandës në Kosovë, Matti Nissinen.

Në një njoftim për media, thuhet se Kosova dhe Finlanda ndajnë mes tyre marrëdhënie të shkëlqyera bashkëpunimi, e cila u rikonfirmua dhe në takimin e sotëm mes palëve.

“Ne synojmë të thellojmë partneritetin me shtetin e Finlandës. Për të përmbushur këtë objektiv të përbashkët, u bisedua edhe mbi format e zgjerimit të bashkëpunimit mes nesh”, thuhet në njoftim.

Tutje vazhdon njoftimi se u theksua dhe vlerësimi i lartë që Kosova e ka për mbështetjen e vazhdueshme të Finlandës ndaj rrugëtimit në proceset e integrimit evropian.

Zëvendëskryeministri Bislimi e informoi ambasadorin edhe mbi procesin e dialogut dhe takimin e fundit të mbajtur në Bruksel ditën e hënë.


MË SHUME NGA Lajme