14:20 / 27.05.2023
Flamuri i Republikës është vendosur edhe në Komunën e Zveçanit|Foto
Edina Avdiu/RTK
Një ditë pas tensioneve në veri të vendit, të shkaktuar nga struktura paralele atje, me rastin e daljes në zyre të kryetarëve të rinj të Leposaviqit Zubin Potokut dhe Zveçanit, situata është e qetë.
Flamuri i Republikës së Kosovës është vendosur sot edhe në objektin e komunës së Zveçanit.

Policia e Kosovës dhe Njësitë Speciale po qëndrojnë edhe sot pranë objekteve të këtyre tri komunave.

Në Leposaviq, para objektit të kësaj komune, janë vendosur kamera dhe situata është e qetë.

Situatë e qetë sot mbretëron edhe në Komunën e Zubin Potokut.

Policia e Kosovës ka njoftuar se ka ndërmarrë të gjitha masat policore për të parandaluar çdo veprimtari kriminale që mund të paraqitet në atë pjesë.
























