Kori i Universitetit “Haxhi Zeka” fitoi vendin e tretë në Zarë
BKT
Kulturë

Kori i Universitetit “Haxhi Zeka” fitoi vendin e tretë në Zarë

Dafina Smajli|RTK

Në mesin e 11 koreve nga Evropa, kori i fakultetit të Arteve nga Universiteti “Haxhi Zeka” në Pejë e ka fituar vendin e tretë në garën ndërkombëtare të koreve, që u mbajt në Zarë të Kroacisë.

Kjo garë u mbajt nga 25 deri më 28 maj, ku u prezantuan 11 ansamble vokale nga vende të ndryshme si Çekia, Sllovenia, Bosnje e Hercegovina, Angola, Kongo etj, teksa në mesin e tyre ishte edhe kori i përbërë nga studentët e Fakulteteve të Arteve nga Peja, të cilët garuan në kategorinë A dhe u shpërblyen me vendin e tretë.

Gara ndërkombëtare e koreve organizohet çdo dy vjet dhe është një kompeticion serioz në të cilin marrin pjesë koret të cilat kanë kulturë të këndimit koral me një juri profesionale.

Për RTK-në dekani i Fakultetit të Arteve njëherit edhe udhëheqës i korit, Hysen Nimani shprehet shumë i lumtur që puna e tij dhe e studentëve u shpërblye në këtë garë kaq të rëndësishme me gjithsej 43 studentë dhe me ndihmën e Prof.ass Adelina Paloja.

Kori është një shembull frymëzues për të gjithë ata që besojnë në fuqinë e artit për të ndryshuar botën dhe për të shpërfaqur një pikëpamje të unikë nëpërmjet imazheve dhe ekspresionit artistik.


MË SHUME NGA Kulturë