22:37 / 01.06.2023
Salihamixhiqi dhe Xhaferi fitues të Çmimeve të Artit Pamor për vitin 2023
Sh.Gashi / RTKlive
Nysret Salihamixhiqi dhe Violeta Xhaferi janë fitues të Çmimeve të Artit Pamor për vitin 2023.
Në Ministrinë e Kulturës u mbajt ceremonia e ndarjes së çmimeve vjetore në fushën e arteve pamore.
Nysret Salihamixhiqi është laureat i Çmimit Kombëtar për Vepër Jetësore “Muslim Mulliqi” ndërsa Çmimi Vjetor për të arriturat në fushën e artit pamor u nda për Violeta Xhaferin.
Pjesë e jurisë profesionale në këtë edicion ishin Eshref Qahili, Arbana Hajredinaj dhe Driton Selmani.
Çmimet të cilat u ndanë nga Ministri Çeku, u pranuan nga djali i Nysret Salihamixhiqit, Fatos Salihamixhiqi dhe djali i Violeta Xhaferit, Ilir Xhaferi.























