Kurti e Imeri flasin për rëndësinë e dialogut social e kontratën kolektive
BKT
Lajme

Kurti e Imeri flasin për rëndësinë e dialogut social e kontratën kolektive

Uran Krasniqi / RTKLive

Dialogu social ndërmjet Qeverisë dhe sindikatave dhe kontrata kolektive kanë qenë temat e takimit mes kryeministrit të Kosovës, Albin Kurti dhe kryetares së Federatës së Sindikatave të Shëndetësisë së Kosovës, Tevide Imeri.

"Të dy palët u dakorduan për dinamizim të këtij procesi të rëndësishëm", ka njoftuar Qeveria. 

"Kryeministri i Republikës së Kosovës, Albin Kurti, bashkë me ministrin e Shëndetësisë, Arben Vitia, pritën sot në takim kryetaren e Federatës së Sindikatave të Shëndetësisë së Kosovës, znj. Tevide Imeri.

Gjatë këtij takimi, u fol për rëndësinë e dialogut social ndërmjet Qeverisë dhe sindikatave dhe kontratën kolektive. Të dy palët u dakorduan për dinamizim të këtij procesi të rëndësishëm.

Kryeministri Kurti foli edhe për Ligjin e Pagave që tashmë ka disa muaj që është në fuqi dhe i cili Ligj ka siguruar mjekëve dhe punëtorëve shëndetësorë paga më të dinjitetshme, teksa mjeku specialist në Kosovë me këtë ligj ka një nga pagat më të larta në Ballkanin Perëndimor". 


MË SHUME NGA Lajme