22:05 / 13.07.2023
Pulisic nënshkruan me Milanin
Uran Krasniqi / RTKLive
Milan ka njoftuar se ka nënshkruar me sulmuesin e Shteteve të Bashkuara të Amerikës, Christian Pulisic.
Sipas njoftimit nga skuadra e Serisë A të enjten, bëhet fjalë për një kontratë katërvjeçare.
Detaje nuk janë zbuluar, por sipas mediave britanike klubi italian i kishte paguar Chelseas 20 milionë euro.
Pulisic ka kaluar katër sezone te Chelsea, duke bërë 145 paraqitje dhe duke shënuar njëzet e gjashtë gola dhe duke dhënë njëzet e një asistime.























