07:36 / 23.07.2023
Sonte “Ramë Lahaj International Opera Festival”, RTK sponsor medial
Edona Podvorica / RTK
Jeta kulturore në Kosovë gjatë këtyre ditëve është shtuar. Festivali Ndërkombëtar i Operës “Ramë Lahaj” mbahet sonte në mbrëmje në sheshin “Skënderbeu” në Prishtinë. Radio Televizioni i Kosovës është sponsor medial i kësaj ngjarjeje të madhe artistike.
Gala-mbrëmja “Ramë Lahaj and Friends” nis rrugëtimin nën dirigjimin e Pier Giorgio Morandi, shoqëruar nga Filarmonia e Kosovës, në orën 20:30.
Festivali vazhdon deri më 31 korrik, me pesë mbrëmje të tjera muzikore: “Ensemble Evening” më 25 korrik, “Opera Night” më 27 korrik, “New Generation” më 29 korrik dhe “Nexhmije Pagarusha” më 31 korrik.























