Mehaj: Kosova e gatshme t’i ofrojë ndihmë Greqisë
BKT
Lajme

Mehaj: Kosova e gatshme t’i ofrojë ndihmë Greqisë

Ministri i Mbrojtjes i Republikës së Kosovës, Armend Mehaj, ka reaguar për situatën në Greqi, e cila po përballet me zjarre të furishme për shkak të temperaturave të larta.

Mehaj, në një postim në Twitter, i ka ofruar mbështetje Greqisë “brenda kapaciteteve tona’, për të luftuar zjarret.

 “Ne jemi të përgatitur për të ofruar ndihmë brenda kapaciteteve tona për të luftuar zjarret dhe për të qëndruar pranë komuniteteve të prekura. Solidariteti nuk njeh kufij dhe së bashku mund ta kapërcejmë këtë sfidë”, ka shkruar Mehaj në Twitter.

Nuk ka asnjë përshkrim të disponueshëm

Zjarret që janë përhapur në ishullin grek të Rodosit, këto ditë, kanë detyruar autoritetet të evakuojnë mijëra njerëz, ndërkohë që situata ka lënë edhe mijëra turistë në pritje pasi pothuajse të gjitha fluturimet për në ishull ishin anuluar.

Dhjetra qytete në të gjithë Evropën Jugore janë përfshirë nga valët e të nxehtit. Autoritetet paralajmërojnë për temperatura ekstreme që do të vazhdojnë edhe gjatë ditëve në vijim.


MË SHUME NGA Lajme