Lajçak: Propozova një agjendë për takim në Bruksel
BKT
Lajme

Lajçak: Propozova një agjendë për takim në Bruksel

A.B/RTKlive

Emisari i posaçëm i BE-së për dialogun Kosovë- Serbi, Miroslav Lajçak, është deklaruar sërish për vizitën që ai ka zhvilluar në Kosovë. Lajçak ka shkruar se me zv/kryeministrin Bislimi ka diskutuar për çështjet urgjente të pazgjidhura që kanë të bëjnë me dialogun.

“Jam kthyer nga Kosova, ku kam udhëtuar për të përcjellë vizitën e fundit me emisarët diplomatikë të Francës, Gjermanisë, Italisë dhe Escobar dhe takimin e fundit me liderët evropianë në Bruksel. U takova me zëvendëskryeministrin Bislimi për të diskutuar çështjet urgjente të pazgjidhura që kanë të bëjnë me Dialogun. Objektivi ynë ishte të vendosnim bazat për një takim të ardhshëm të Kryenegociatorëve, i cili do të zhvillohet së shpejti. Unë propozova një agjendë të drejtpërdrejtë për takimin e ardhshëm në Bruksel, në përputhje me pritshmëritë e përcjella nga liderët evropianë. Fokusi parësor do të jetë në arritjen e përparimit të menjëhershëm në zbatimin e Marrëveshjes dhe gjetjen e zgjidhjeve të qëndrueshme për situatën sfiduese në rajonin verior të Kosovës", ka shkruar ai në 'Facebook'.

Ai ka njoftuar për takimet tjera që ka zhvilluar në Kosovë- ambasadorët, komandantin e NATO’s dhe opozitën.

“Krahas diskutimeve të mia me zëvendëskryeministrin, kam informuar edhe shefat e misioneve diplomatike të BE-së me seli në Kosovë.U takova me gjeneralmajor Ulutas, komandantin e misionit të KFOR-it të NATO-s. Biseda jonë u rrotullua rreth situatës së sigurisë në veri të Kosovës dhe unë i ofrova atij një përditësim gjithëpërfshirës mbi Dialogun dhe negociatat e ardhshme. Unë jam mirënjohës për bashkëpunimin tonë produktiv. Vizitën time e përfundova me një takim me përfaqësuesit e partive opozitare kosovaro-shqiptare. Ne patëm diskutime interaktive për zhvillimet e fundit, si dhe për rrugën përpara në dialog dhe për rrugën e Kosovës në Bashkimin Evropian”, ka shkruar ai.


MË SHUME NGA Lajme