Abdixhiku i reagon Aliut: Kosova është e përhershme
BKT
Lajme

Abdixhiku i reagon Aliut: Kosova është e përhershme

F.S / RTKlive

Kryetari i Lidhjes Demokratike të Kosovës, Lumir Abdixhiku, ka reaguar pas deklaratës së Ministrit të Infrastrukturës, Liburn Aliu, se Kosova është një projekt i përkohshëm.

Abdixhiku në llogarinë e tij në Facebook, ka shkruar se Kosova sot udhëhiqet nga popullstë mosbesues të saj.

“Ç’të duhen kundërshtarët e jashtëm, kur i ke të brendshmit? Republika e Kosovës, sot udhëhiqet nga popullistë mosbesues të saj. Fati i projektit më të madh shqiptar, ‘Kosova shtet i pavarur e sovran’ është në duar të mohuesve të vet shtetësisë. Prandaj betimi mbi Republikë është farsë. Prandaj shkelja e Kushtetutës bëhet zakonshmëri. Sepse mosbesimi ndaj Kosovës është bindje. Këta kanë atdhe të dytë.  Ne kemi vetëm Kosovën”, shkruan i pari i LDK-së.

Ai gjithashtu ka shkruar se Kosova është e përhershme. “LDK-ja si formacion i vetëm pavarësist, beson në Republikë. Fëmijët tanë meritojnë të besojnë në Republikë! Në shtetin që prindërit e gjyshërit e tyre nuk e kishin por ua kanë lënë me plot sakrificë. Në shtetin që në vend të mbytjes së ëndrrave e dhënies së pasigurisë u jep shpresën se një ditë do të jenë të barabartë mes popujve e shteteve euroatlantik! Prandaj dhe zgjedhja juaj është fare e lehtë. Sepse Kosova është e përhershme”, ka shkruar Abdixhiku.


MË SHUME NGA Lajme