15:10 / 25.01.2024
KQZ pranon peticionet për shkarkimin e kryetarëve në veri
Sh.Ç/RTKlive
Komisioni Qendror i Zgjedhjeve ka pranuar peticionet e nënshkruara nga qytetarët për shkarkimin e kryetarëve të katër komunave në veri të vendit.
KQZ-ja gjatë ditës ka pranuar edhe peticionin nga Mitrovica e Veriut, ndërsa verifikimi i nënshkrimeve është proces që do të zgjasë.
Kryetari i KQZ-së, Kreshnik Radoniqi, në mbledhje ka theksuar se nevojitet kohë për verefikim.
“Konfirmojmë se kemi pranuar peticionet prej katër komunave dhe verifikimi i nënshkrimeve do të bëhet ditëve në vijim. Ka numër të madh të nënshkrimeve dhe nevojitet kohë për konfirmim”, ka thënë Radoniqi.























