Baleti Kombëtar bën bashkë sportin dhe artin me premierën e re
BKT
Kulturë

Baleti Kombëtar bën bashkë sportin dhe artin me premierën e re

M.P. / RTKlive

Sporti i basketbollit dhe baleti klasik do të bëhen bashkë në premierën e parë të Baletit Kombëtar të Kosovës për sivjet, “Rebounds. A BasketBallet”.

Kjo vepër i takon stilit bashkëkohor dhe është realizuar në bashkëpunim me dy koreografët gjermanë Friederike Lampert dhe Jochen Roller, ndërsa kompozitor i muzikës është Ohad Talmor.

“Rebounds. A BasketBallet’ eksploron kërcimin dhe cilësinë muzikore të një loje basketbolli duke parë modelet e dyshemesë, konstelacionet e lojtarëve, ritmet e topit, strukturat e lojës dhe ndërveprimin e rendit dhe kaosit. Pjesa është një lojë imagjinare e cila ka rregullat e veta: Një shpërthim furie, hiri, ngatërrese dhe shpirti ekipor”, thuhet në njoftimin e Baletit Kombëtar të Kosovës.

Premiera e baletit “Rebounds. A BasketBallet”, do të shfaqet më 15 shkurt në sallën e ateliesë në Pallatin e Rinisë.


MË SHUME NGA Kulturë