13:15 / 21.02.2024
Shtëpia e masakrës në Poklek në fazë të fundit të muzealizimit
M.P. / RTKlive
Shtëpia e masakrës në fshatin Poklek të Drenasit aktualisht ndodhet në fazën e fundit drejt muzealizimit.
Ministri i Kulturës, Hajrulla Çeku bashkë me deputeten Shqipe Mehmeti Selimi dhe ushtruesin e detyrës së drejtorit të Agjencisë për Menaxhimin e Monumenteve dhe Komplekseve Memoriale, Imer Hakaj, ka vizituar shtëpinë e cila është dëshmi për krimet e viteve të 90’ta.
“Jemi në fazën e fundit të muzealizimit të shtëpisë së masakrës në Poklek të Drenasit, ku forcat serbe masakruan 53 civilë nga familjet Muqolli, Caraku, Elshani, dhe Hoxha. Në mesin e tyre ishin 23 fëmijë, më i vogli gjashtë muajsh dhe më i madhi 14 vjeç”, thuhet në njoftimin e MKRS-së.























