Kërcënohen me vrasje dy pjesëtarë të KFOR-it, arrestohen dy persona
BKT
Foto: Arkiv
Lajme

Kërcënohen me vrasje dy pjesëtarë të KFOR-it, arrestohen dy persona

G.K/RTKlive

Dy pjesëtarë të KFOR-it janë kërcënuar me vrasje në fshatin Lubiçevë të Prizrenit. Rastin e ka konfirmuar zëdhënësi i policisë për rajonin e Prizrenit, Shaqir Bytyqi.

Ai për RTKlive tha se të dyshuarit janë arrestuar nga policia.

“Me date 26.02.2024 rreth orës 10:10 policia ka marre informatën se ne fshatin Lubiçevë dy persona të dyshuar i kanë kanosur pjesëtarët e KFOR-it italian të cilët ishin për vizitë në atë fshat. Patrulla policore ka dalë në vendin e ngjarjes dhe ka kontaktuar me karabinierët të cilët kanë deklaruar se për deri sa ishin duke qëndruar në një lokal aty në fshat, të dyshuarit afrohen fillimisht duke i ofenduar e me pas njeri nga të dyshuarit i ka kanosur me vrasje duke ju thënë “se do të shkojë në shtëpi të marr kallashnikovin dhe do ju vras të gjithëve”, tha Bytyqi.

Siç raportoi zëdhënësi i policisë në Prizren, të dyshuarit janë larguar me veturë në drejtim të Prizrenit ku dhe janë arrestuar.

“Fillimisht është arrestuar nga policia njëri nga të dyshuarit, ndërsa më vonë edhe i dyshuari i dytë është arrestuar.  Janë bastisur shtëpitë e dy të dyshuarve, në shtëpinë e njërit nga të dyshuarit është gjetur një pushkë dhe municion. Pas intervsitimit, me urdhër të prokurorit të dy të dyshuarit janë ndaluar për 48 orë”, ka thënë Bytyqi për RTKlive.


MË SHUME NGA Lajme