SHSKUK demanton lajmin për ashensorin për ‘shefa dhe drejtorë’
BKT
Lajme

SHSKUK demanton lajmin për ashensorin për ‘shefa dhe drejtorë’

M.P. / RTKlive

Shërbimi Spitalor Klinik Universitar i Kosovës nëpërmjet një reagimi ka demantuar lajmin e qarkulluar në media se ekzistojnë ashensorë në Klinikën e Kirurgjisë, të cilët mund t`i përdorin vetëm shefat dhe drejtorët.

“Në asnjë ashensor nuk ka letër-njoftim të zyrtarizuar, nëshkruar, apo vulosur nga ndonjë drejtor klinike, shef, apo nga organet tjera  komptetente në QKUK”, thuhet në reagim.

Tutje SHSKUK ka thënë se ky mbishkrim i vendosur në ashensor ka qenë i qëllimshëm i shkruar nga dikush, autorësia e të cilit nuk dihet.

“Për hir të korrektësisë, sqarojmë se disa nga ashensorët përdoren vetëm me çip për të pasur më të lehtë bartjen e pacientëve që janë të shtrirë në klinikat e QKUK-së, nga stafi i autorizuar shëndetësor i klinikave përkatëse”, vazhdon reagimi.


MË SHUME NGA Lajme