Nesër inaugurohet Instituti francez në Kosovë
BKT
Kulturë

Nesër inaugurohet Instituti francez në Kosovë

K.Kasumi/RTKlive

Ambasada e Francës në Kosovë ka njoftuar se nesër (e martë), me fillim nga ora 18:30, në lagjen Pejton të Prishtinës, do të inaugurohet Instituti francez në Kosovë.

Në këtë aktivitet do të marrë pjesë edhe presidentja e Republikës së Kosovës, Vjosa Osmani-Sadriu.

Gjithashtu të pranishëm do të jenë edhe i dërguari special i Francës për Ballkanin, Rene Troccaz, si dhe ambasadori francez, Oliver Guerot.

“Të martën, më 26 mars 2024, në orën 18:30, në Prishtinë, presidentja e Republikës së Kosovës, Vjosa Osmani-Sadriu, do të na nderojë duke inauguruar zyrtarisht Institutin francez të Kosovës, së bashku me të dërguarin special të Francës për Ballkanin, René Troccaz, ambasadorin francez Olivier Guérot dhe drejtorin e Institutit francez, Donato Giuliani, në prani të autoriteteve të larta të Kosovës dhe përfaqësuesve të bashkësisë ndërkombëtare në Kosovë”, thuhet në njoftim.

Po ashtu, bëhet me dije se themelimi i Institutit francez në Kosovë është një hap domethënës që tregon dëshirën e Francës për t’i thelluar lidhjet kulturore dhe gjuhësore me Kosovën.

Sipas njoftimit, ky institut, i lidhur me Ambasadën e Francës në Kosovë, do t'i mundësojë Francës ta forcojë praninë e saj jo vetëm në qendër të Prishtinës, por edhe në mbarë Kosovën përmes dy degëve të saj - në Prizren dhe në Fushë-Kosovë, ndërsa degët e tjera do të mund të hapen më vonë.

“Data e inaugurimit të Institutit francez të Kosovës u caktua simbolikisht gjatë Javës së Frankofonisë [ATMOSPHERE ...2024] që po zhvillohet nga 21 deri më 27 mars 2024 në Prishtinë dhe Mitrovicë”, thuhet tutje në njoftim.


MË SHUME NGA Kulturë