13:59 / 28.10.2024
Kajtazi e Pirgu sonte ndajnë skenën në Operën Shtetërore të Vjenës
M.P / RTKlive
Sonte në skenën shtetërore të Operës në Vjenë do të jepet shfaqja “La Boheme” nga Giacomo Puccini.
E veçanta e kësaj shfaqje është se skena do të bashkëndahet mes dy emrave të njohur me prejardhje shqiptare.
Sopranoja Elbenita Kajtazi dhe tenori Saimir Pirgu do të jenë pjesë e shfaqjes, e cila vjen me libret të Giuseppe Giacosa & Luigi IllicaLa Bohème.
Të dy emrat kanë shkelur skena të njohura ndërkombëtare dhe i kanë kontribuuar diplomacisë kulturore.
Ndërkaq, shfaqja në anën tjetër cilësohet si një nga veprat më të famshme operistike, e që trajton jetën e lumtur dhe të shkujdesur të një grupi të rinjsh bohemienë në Paris.























