Zjarr në fabrikën e plastikës në Rahovec, dëme milionëshe
BKT
Lajme

Zjarr në fabrikën e plastikës në Rahovec, dëme milionëshe

Myrvete Axhami | RTK

Një zjarr ka shpërthyer në orët e hershme të mëngjesit të sotëm në fabrikën e plastikës në hyrje të fshatit Sopniq të Rahovecit.

Në vendngjarje mënjeherë kanë dalë policia e Rahovecit dhe zjarrfikësit. Në pamundësi që të lokalizojnë zjarrin në ndihmë u erdhen edhe zjarrfikësit nga Gjakova e Prizreni.

Rreth orës 9:00 zjarri është vënë nën kontroll, por dëmet janë milionëshe, thotë kryetari i Komunës së Rahovecit, Smajl Latifi.

Zjarrfikësit kanë mundur të shpëtojnë vetëm një depo të vogël me prodhim të gatshëm dhe një makineri të blerë ditëve të fundit.

Si pasojë e zjarrit i gjithë zingjiri i prodhimit të plastikave është djegur.


MË SHUME NGA Lajme