Bislimi pret ambasadorin e ri të Italisë, diskutojnë për integrim evropian
BKT
Lajme

Bislimi pret ambasadorin e ri të Italisë, diskutojnë për integrim evropian

RTKlive

Zëvendëskryeministri i parë në detyrë i Republikës së Kosovës, Besnik Bislimi, ka pritur sot në takim Ambasadorin e ri të Italisë në Kosovë, Maurizio Antonini.

Gjatë takimit, zëvendëskryeministri Bislimi e uroi ambasadorin për detyrën e re dhe i uroi mirëseardhje në Kosovë. Palët diskutuan për marrëdhëniet bilaterale dhe theksuan rëndësinë e fuqizimit të bashkëpunimit në fusha me interes të përbashkët.

Bislimi ritheksoi përkushtimin e Kosovës për integrimin evropian, si dhe angazhimin në zbatimin e reformave. Në takim u trajtua edhe procesi i dialogut me Serbinë dhe takimet e fundit të zhvilluara në Bruksel.

Ai falënderoi ambasadorin Antonini për takimin dhe bisedën, duke shprehur gatishmërinë për bashkëpunim të ngushtë dhe avancim të mëtejmë të marrëdhënieve ndërmjet Kosovës dhe Italisë.


MË SHUME NGA Lajme