Erdogan: KFOR-i turk është në veri të Kosovës, s`do të ketë asnjë problem
BKT
Foto| AA
Lajme

Erdogan: KFOR-i turk është në veri të Kosovës, s`do të ketë asnjë problem

RTKlive

Presidenti i Turqisë, Rexhep Taip Erdogan, ka deklaruar se derisa KFOR-i Turk është në veriun e Kosovës, aty nuk do të ketë asnjë problem.

Presidenti Erdogan është pyetur gjatë konferencës për media pas samitit të NATO-s në Hagë lidhur me KFOR-in Turk që po qëndron në veri të vendit, pjesën e banuar me shumicë të minoritetit serb në Kosovë.

“KFOR-i Turk ndodhet në atë zonë, pse ndodhet aty? Për paqe, për qetësi dhe derisa KFOR-i Turk ndodhet aty, inshallah aty nuk mundet dhe nuk do ketë ndonjë problem”, tha Erdogan, duke folur për gazetarët në Hagë pas samitit, raporton TRT GLOBAL.

Samiti dyditor i NATO-s përfundoi sot. Në këtë ngjarje morën pjesë liderët e 32 vendeve anëtare të NATO-s, si dhe rreth 20 mijë pjesëmarrës.

Gjatë samitit, vendet e NATO-s kanë rënë dakord të rrisin shpenzimet e tyre të mbrojtjes në 5 për qind të produktit të tyre të brendshëm bruto (PBB) deri në vitin 2035.


MË SHUME NGA Lajme