16:27 / 28.08.2025
Emilija Rexhepi lirohet nga detyra e zëvendëskryeministres
E.H|RTKlive
Kryeministri në detyrë i Republikës së Kosovës, Albin Kurti, ka liruar nga detyra zëvendëskryeministren për Çështje të Pakicave dhe të Drejtat e Njeriut, Emilija Rexhepi. Lirimi nga detyra vjen pas emërimit të Rexhepit në pozitën e nënkryetares së Kuvendit të Kosovës.
“Kryeministri në detyrë i Republikës së Kosovës, Albin Kurti, e ka liruar dje nga detyra zëvendëskryeministren për Çështje të Pakicave dhe të Drejtat e Njeriut, Emilija Rexhepi, pas emërimit të saj në pozitën e nënkryetares së Kuvendit nga radhët e komuniteteve joshumicë joserbe”, thuhet në njoftim.























