Shqipe Ajeti përfaqësohet në Kinë me ekspozitën ‘Interactions’
M.P. / RTKlive
Artistja Shqipe Ajeti-Rexhepi është pjesë e ekspozitës ndërkombëtare, “Interactions”, që po mbahet në muzeun “Guangdong San Ta Art” në Guangzhou të Kinës.
Në këtë ekspozitë, Ajeti – Rexhepi po merr pjesë me veprën ”One” nga cikli ”Unheard”. Kjo vepër dhe cikli trajtojnë traumën dhe procesin e shërimit dhe qendrueshmerin kolektive për ata që i mbijetuan dhunës seksuale gjatë luftës në Kosovë.
Piktura e shndërron vuajtjen individuale në një gjuhë vizuale kolektive , duke treguar se zërat e tyre duhet të dëgjohen dhe se përvoja e tyre mund të kthehet në një ndërgjegje më të lartë kolektive.
"Interactions" i bashkon 27 artistë nga Finlanda, Suedia, Kosova dhe Kina, duke nxitur dialog ndërkulturor përmes artit bashkëkohor.
Ekspozita ëdhtë hapur me 28 dhjetor 2025 dhe do qëndroj e hapur deri me 10 Janar 2026.
Në korrik të vitit të kaluar, Ajeti - Rexhepi u prezantua në ekspozitën kolektive “Arrivals and Departures”, e cila u mbajt në Galerinë Kookos në Helsinki, Finlandë. Ajo u përfaqësua me dy nga veprat e saj, “Unheard Voice” dhe “In Between”, pjesë e serisë Hidden Echoes.
Të dyja këto ekspozita u mbështetën nga Ministria e Kulturës, Rinisë dhe Sportit e Kosovës.
























