Përfundon restaurimi i ish-Mejtepit Ruzhdije në Gjakovë
BKT
Kulturë

Përfundon restaurimi i ish-Mejtepit Ruzhdije në Gjakovë

Kimete Kasumi/ RTKlive

Ministri në detyrë i Kulturës, Hajrulla Çeku, ka njoftuar se ka përfunduar restaurimi i shkollës së vjetër të muzikës, e njohur si ish Mejtepi Ruzhdije, projekt i realizuar në bashkëpunim me Komunën e Gjakovës.

Çeku ka bërë me dije se paralelisht po ecin drejt përfundimit edhe punimet në objekte të tjera të rëndësishme të trashëgimisë kulturore.

"Ka përfunduar restaurimi i shkollës së vjetër të muzikës – ish Mejtepi Ruzhdije, projekt i realizuar në bashkëpunim me Komunën e Gjakovës", ka shkruar Çeku në Facebook.

Ai ka shtuar se punimet po vazhdojnë edhe në monumente të tjera me vlerë historike.

"Ndërkohë, drejt përfundimit po shkojnë punimet në kullën e Sylejman Vokshit, ndërsa në kullën e Tohsun Beut ka përfunduar faza e parë".

Sipas tij, këto projekte janë pjesë e një angazhimi të vazhdueshëm institucional për trashëgiminë kulturore të vendit.

“Angazhim i vazhdueshëm për ruajtjen, mbrojtjen dhe rikthimin e vlerave të trashëgimisë sonë kulturore”, theksuar ai.


MË SHUME NGA Kulturë