15:37 / 09.02.2026
Uji nga Liqeni i Badocit është i sigurt për pije
Valbona Thaçi / RTKLive
Analizat laboratorike të realizuara gjatë tre ditëve të fundit në Laboratorin e Institutit Kombëtar të Shëndetit Publik të Kosovës (IKShPK) tregojnë se uji nga Liqeni i Badocit, në zonën e furnizimit PR03, është i sigurt për pije.
Sipas rezultateve, vlerat e turbullirës dhe të gjithë parametrave të tjerë, si bakteriologjikë ashtu edhe fiziko-kimik, janë brenda kritereve të përcaktuara me Udhëzimin Administrativ (UA) nr. 10/2021 – “Cilësia e ujit të destinuar për konsum nga njeriu”.
IKShPK ka njoftuar se, në bashkëpunim me institucionet përkatëse, do të vazhdojë monitorimin e rregullt dhe të vazhdueshëm të cilësisë së ujit, duke garantuar transparencë dhe informim të saktë për qytetarët.























