17:21 / 13.02.2026
Zef Morina emërohet zëvendësministër i Infrastrukturës dhe Transportit
Emine Hoti/RTKlive
Kryeministri i Kosovës, Albin Kurti, ka emëruar Zef Morinën në pozitën e zëvendësministrit të Infrastrukturës dhe Transportit.
“Kryeministri Kurti e uroi z. Morina për detyrën dhe i dëshiroi suksese në përmbushjen e përgjegjësive të tij.”, ka njoftuar Zyra e Kryeministrit.
Gjatë ditës, kryeministri Albin Kurti ka emëruar edhe Daulina Osmanin në pozitën e zëvendësministres së Sportit dhe Rinisë.
Osmani gjatë mandatit të kaluar kishte ushtruar detyrën e zëvendësministres së Kulturës, Rinisë dhe Sportit.























