15:00 / 21.02.2026
Osmani dhe Stubb diskutojnë për zhvillimet politike dhe sigurinë
Valbona Thaçi / RTKLive
Presidentja e vendit Vjosa Osmani dhe presidenti i Finlandës Alexander Stubb kanë folur për zhvillimet politike dhe për sigurinë në vend.
Osmani ka njoftuar se kjo bisedë është zhvilluar përmes një lidhje telefonike me ç’rast edhe e ka falënderuar Stubb për mbështetjen që vendi i tij i jep Kosovës.
“Është gjithmonë kënaqësi të bisedoj me mikun e dashur të Kosovës, Presidentin e Finlandës, Alexander Stubb. Diskutuam zhvillimet më të fundit politike dhe të sigurisë, si dhe partneritetin mes dy vendeve tona. E falënderova për mbështetjen e palëkundur të Finlandës për të ardhmen euroatlantike të Kosovës”, ka shkruar Osmani në X.
























