Takohen Kurti e Antonini, flasin për zhvillimet politike
Valmira Saraçi|RTKlive
Zhvillimet aktuale politike, kanë qenë temë diskutimi mes kryeministrit, Albin Kurti dhe ambasadorit italian, Maurizio Antonini.
Zyra e kryeministrit thotë se të dyja palët palët shprehën vullnetin për avancimin e partneritetit dhe forcimin e lidhjeve institucionale.
“Gjatë takimit u diskutuan zhvillimet aktuale politike në vend, si dhe mundësitë për thellimin e bashkëpunimit në fushat e biznesit, kulturës dhe drejtësisë. Të dy palët shprehën vullnetin për avancimin e partneritetit dypalësh dhe forcimin e lidhjeve institucionale në interes të qytetarëve të të dy vendeve”, bën të ditur njoftimi i Qeverisë.
Ekzekutivi thotë se Kurti nga diplomati italian mori urime për mandatin e ri derisa thuhet të ketë riafirmuar përkrahjen e Italisë për Kosovën dhe përkushtimin për vazhdimin e bashkëpunimit të ngushtë ndërmjet dy vendeve.























