10:25 / 26.02.2026
Promovohet sot në Prishtinë monografia “Idromeno Kostumografia”
Shqipe Gashi|RTKlive
Sot, duke filluar nga ora 12:00, në Fakultetin e Arteve të Universitetit të Prishtinës do të promovohet monografia “Idromeno Kostumografia”, me autore Merita Toçila.
Libri sjell një këndvështrim të ri mbi veprën e artistit të madh Kolë Idromeno me fokus te trashëgimia e tij në fushën e kostumografisë.
Monografia vlerësohet si një kontribut i rëndësishëm në studimet mbi artin dhe historinë e kostumografisë shqiptare duke hapur një hapësirë të re kërkimi për studiuesit dhe brezat që do të vijnë.























